Pastor kondená na 17 aña pa abusá di dos menor di edat

40
Hòmber kondená na 17 aña di prizòn den e kaso aki.

MADRID – E Tribunal Supremo spañó a kondená un pastor na 17 aña i 7 luna di prizòn pa abusu seksual di dos menor di edat, ámbos di 12 aña. Ademas tata di un di e víktimanan tambe a keda kondená na 4 aña di prizòn pa motibu ku e tabata na altura di e echonan.

Outoridatnan a konfirmá e sentensia aki, kua a keda imponé na e hòmber identifiká omo Mengabril Jose Donoso Fernandez pa delitunan di abusu seksual. Un di e muchanan aki su famia tabata dependé kasi kompletamente di e pastor.

E mayor ku a keda kondená den e kaso aki tambe a pèrdè pèrmit pa por keda ku e mucha, debí na un kaso di abusu seksual kometé ku omishon. Segun outoridatnan a indiká, si esaki lo a aktua lo e por a evitá e abusunan.

E pastor aki praktikamente tabata kubri tur e gastunan di kuminda, paña, kaminda di biba i skol di e famia.

E pastor ademas lo tin di paga un indemnisashon di entre 10 mil i 50 mil euro na e víktimanan.

Segun medionan di komunikashon di e pais aki, e pastor lo a abusá seksualmente di vários studiante di un skol di Sevilla, na sùit di e pais, despues di a tuma esaki nan su konfeshon.