Tata i yu detené pa asesiná i kòrta partinan di kurpa di nan víktima

110
Tata i yu a keda detené den e kaso di asesinato aki.

GUATEMALA – Un tata i su yu hòmber a keda detené na Guatemala, akusá di a asesiná i kòrta partinan di kurpa di nan víktima. Segun investigadornan a indiká despues di investigá e suseso.

Relashoná ku esnan detené, identifiká komo Domingo Lopez Gutierrez di 52 aña i Silverio Lopez Quizar di 23 aña, tabatin un òrdu di detenshon vigente di 8 di aprel di e aña aki, kua a keda duná pa un wes di e husgado di Promé Instansia Penal.

E operativo a tuma lugá na El Roblarcito, aldea di Quequezque, di e munisipio di Juan Ermita, na e departamento di Chiquimula.

Segun outoridatnan, e dos hòmbernan aki ta presunto responsabelnan di a asesiná Ubaldo Castillo Gutierrez di 19 aña di edat. Esaki su kurpa a keda hañá ku diferente partinan kòrtá for di dje.

E parti nan di e kurpa a keda lokalisá plamá na diferente partinan di e aldea di Tasharja, munisipio di San Juan Ermita.

Un total di 348 persona a pèrdè nan bida i otro 1.312 a resultá heridá den kasonan paresí registrá na Guatemala entre aña 2008 i 2018, miéntras ku aña pasá a redusí e kasonan di hustisia den propio man na e pais, ya ku solamente a registrá 4 morto i 54 herido.