Wass i Guedes ta senk ‘Supmarino’ hel den tempu di deskuento

34
Fot golazo: E plantel “ Che” despues ku Guedes ta sigurá e viktoria den e partido di Ida bálido pa kuartfinal di Europa League. Valencia a ganá Villareal 3-1.

 

 

 

LA CERAMICA,  – E Kontinente Bieu ta tera di soñonan  i ta den esakinan  Villarreal i Valencia ta drumi aktualmente den e Europa League i LaLiga, porsierto na unda un ta bringa pa salba su kategoria i e  otro ta lucha pa atkerí un lugá na di kuater puesto den Laliga pa asina drenta Champions League otro temporada.

Awe e rivalidat entre e dos nan aki a keda trasladá den e kompetensia di  Europa, miéntras ku e esaki no a defroudá.

Tabata falta algu di futbòl den La Cerámica, pero tabatin emoshon i tenshon den e parti final dje partido na unda e ekipo di Valencia a saka e mihó parti logrando un triunfo ku skor di 3-1 ku dos gol den e tempu di deskuento.

Finalmente Valencia a kaba imponiendo su lei ku golnan Wass Guedes den e tempu agregá pa kuerpo arbitral. Porsierto ku e “ Man of the Match” tabata Guedes ku skor dos dje tres golnan dje ekipo “ Che”.  

Kosnan Importante dje Partido:

Villarreal:  Andrés Fernández; Mario (Pedraza, 80′), Álvaro, Víctor Ruiz, Quintillà; Cazorla, Cáseres (Morlanes, 73′), Fornals, Iborra (Bacca, 66′), Chukwueze; Gerard Moreno.

Valencia: Neto; Roncaglia (Piccini, 58′), Garay, Paulista, Gayà; Wass, Parejo, Ferran Torres (Coquelin, 60′), Guedes; Rodrigo, Gameiro (Cheryshev, 68′).

Golnan: 0-1 M. 6 Guedes. 1-1 M. 37 Cazorla pa medio di penalti. 1-2 M. 90 Wass. 1-3 M. 92 Guedes.

Rèfri: Michael Oliver (Inglatera).  E  la duna karchi hel na  Cazorla (27′), Álvaro (61′) i Quintillà (82′) / Gayà (40′).

Insidensianan: Partido a tuma lugá den La Cerámica dilanti di  23.500  fanátiko.