5 agente heridá durante disturbio Arena

52
185 fanatiko detené
AMSTERDAM—Sinku agente polisial a keda heridá djárason na momentu ku mester a intervení na Johan Cruijff Arena.

Fanatikonan di Ajax i Juventus tabata tira piedra i vürwèrk prome ku e wega a kuminsá. Polis mester a detené 185 persona, prinsipalmente fanatikonan italiano. Polisnan italiano ku tabata na Hulanda a yuda agentenan hulandes. E fanatikonan di Juventus tabatin entre otro kuchúnan, palu, pepperspray, vürwèrk i martin. Riba un video ku polis a pone riba media sosial por mira ku fanatikonan ta piedra un agente riba kabai. E ta kai i keda heridá. Algun shen polis tabata riba pia pa seguridat di e wega. Tòg mester a detené kasi 200 hende. Klup di fanatikonan di Ajax ta haña ku polis a aktua muchu fuerte na Arena. Asina a instalá kanon di awa ora a sende vürwerk, ku defakto tabata un entrada ku fanatikonan ta usa. Nan ta haña ku tabatin provokashn di parti polis, segun e klup. Nan a mustra nan malkontentu den un karta na burgemeester Halsema. Riba Twitter tambe tin diferente fanatiko rabiá ku a haña aktuashon di polis for di tur proporshon. Ajax a keda denunsia pa UEFA pa e malkomportashon di fanatikonan. E klup a keda denunsia pa disturbio i blokeo di trapinan den stadion durante e wega. Tuchtcommissie di federashon di futbol oropeo a duna sanshon diferente biaha na e klup pa disturbio durante Champions League. E kaso ta keda trata pa UEFA dia 16 mei.