A sera skol pa asina por a limpia daño nan ku alumno a kousa

624
Willemstad— Ayera alumnonan a presentá na Maria College i a bin topa ku e porta di kura sera na kandal kual a kousa basta desgusto bou di e alumno nan mes.

A bin resultá ku a bin konstatá n kantidat di destrukshon ku a ser kometé den e kura di skol. A bin ripara ku a spùit un kantidat di teksto riba e murayanan i tambe a spùit e kámaranan pa evitá ku por graba esnan ku a e kometé e destrukshon. Polis tambe a bai na e skol pa asina por a hasi investigashon. A presentá ku algun trahadó pa asina por a remediá e daño ku a ser kousa na e skol na unda a kana ferf tur kaminda pa bolbe trese un bista positivo bek den e kura di skol. Por a komprondé ku e alumnonan ketu bai ta rabia debí ku a kita un mentor for di e skol. E kaso ta den investigashon.