Chinesnan a hòrta sekretonan di kompania hulandes

46
kompania XTAL mester paga but di 223 mion pa robo di informashon
VELDHOVEN—Eks-trahadónan chines di ASML a hòrta sekretonan di kompania riba gran eskala di e fabrikante di chip na Veldhoven.

Asina Financieele Dagblad a mèldu a base di investigashon. E sospechosonan tabata trahadónan den staf di e kompania ku tabatin vinkulonan ku ministerio chines di Siensia i Teknologia. Ku un daño di algun shen mion ta trata di un dje kasonan di spionahe mas grandi den un kompania hulandes. Esaki ta grandi segun director van Beek. ASML ta un kompania grandi ku hopi informashon valioso. ASML ta enfatisá ku no tin prueba ku gobièrnu chines ta envolví den e robo. Nos a keda estafá pa nos propio trahadónan ku a kibra lei pa hasi nan mes riku segun presidente Wennink. ASML ta konstruí mashinnan di chip kompleho i ta e lider riba merkado mundia. Mester di hopi konosementu pa traha esaki i ta importante pa e konosementu keda interno i no kompartí esaki ku kompetensia. Anteriormente hackers chines a purba hòrta data di e kompania. Pa años e trahadónan chines tabatin akseso na netwerk interno den e filial na San Jose Merka. Aya na a pone man riba kodigonan, strategianan di preis i dokumentonan sekreto. E informashon a kai den man di kompetensia XTAL den 2014, kompania fundá pa e eks-trahadónan di ASML Veldhoven. Despues dos trahado mas a djoin. Asina nan a bai ku diferente kliente, entre otro Samsung. Un hues na California a sentensia XTAL fin di 2018 pa un but di 223 mion doler segun e veredikto. ASML a tuma medidanan pa hasi mas difisil pa yega na informashon, ademas no tur trahadó por yega na informashon. No ta motibu pa no hasi negoshi ku China, tabata un apel putri.