Kaimannan ta kana riba kayanan di Rio de Janeiro despues di paso di tormenta

54
Animal krusando kaya aya na Rio de Janeiro.

RIO DE JANEIRO – E tormenta ku tabatin últimamente na e siudat di Rio de Janeiro i den kua un total di dies persona a pèrdè nan bida, a laga ademas un esena inkreibel ku a pone outoridatnan den trabou duru.

Esaki despues ku bisiñanan di Rola, na Santa Cruz, a denunsiá presensia di kaimannan ku a hui for di un sitio, unda tabatin derumbe di un muraya debí na e tormenta.

Esaki nan mes ta kende a relatá e situashon riba retnan sosial, den kua por mira algun kaiman na portanan di kas di e komunidat òf kanando krusando kaya.

E imágen di kaimannan riba kaya tin internèt kompletamente ariba abou. Usuarionan inkluso a kuminsá hasi wega ku esaki, indikando ku ta trata aki di kachónan marka Lacoste, refiriendo na imágen di e marka di paña.