Lewandowski i Coman a basha moketa formalmente riba otro den training

134
Fot Robert: Robert Lewandowski (L) i Coman mester a keda separá for di otro den training despues ku a surgi un problema entre nan dos. No ta promé biaha ku Lewa ta hañ’é den problema ku un kompañero.
 

MUNCHEN, – Robert Lewandowski  i  Kingsley Coman djaweps a bringa formal  ku otro riba tereno durante di un training, esaki ta loke a keda publiká pa medio  BILD. Segun  e korant e dosnan aki a basha moketa formal riba otro, miéntras ku  segun por a keda dedusí ta hungadónan mester a separanan for di otro. 

Bayern a train djaweps pa  asina prepará pa e partido di Bundesliga kontra di Fortuna Düsseldorf djadumingu próksimo, i durante un hungada nan bai nan man ku otro despues ku algu a bai robes entre nan dos.

Lewandowski  i  Coman den promé instansia a kuminsá pusta boka ku otro (bekvecht) na unda despues a surgi pushamentu.  Despues e dosnan aki kuminsá masha moketa riba otro di kua ámbos a haña sla na kabes.   Nan tur dos a dal otro sla den kabes formalmente.

Tabata Jérôme Boateng i Niklas Süle e proménan ku a drenta mei mei di dosnan aki pa trata na separanan, pero despues ku nan no kera stòp mas hungadó mester a yega pa separanan for di otro.

E teamchef,   Niko Kovac, a skual tantu Lewandowski komo Coman,  pero despues pa sorpresa di tur hende a laga ámbos sigui train normal, ya ku niun dos no a keda manda paden i a sigui train normal.

E duo apesar di a bai na man ku otro por a kaba di práktika normal, miéntras ku despues di esaki no sa si nan lo keda konvoka pa e partido di djadumingu próksimo.

Rekordmeister no kera duna komentario na BILD di kende awor ta ful konsentrá pa logra e titulo di Bundesliga  den e lucha kontra di Dortmund, porsierto na unda nan tin dos punto di bentaha riba BVB na kabes den  Bundesliga.

No ta promé biaha ku Lewandowski ta hañ’é ku problema ku hungadó den training, ya ku algu tempu atras e ku Boateng tambe kera bringa ku otro despues di un hungada entre nan dos den training.