Rutte: Union Oropeo por sigui

71
premier Rutte: Inglatera ta haña prolongashon di 6 luna
DEN HAAG—Britanikonan ta haña un chèns mas, esta 6 luna mas di prolongashon. Prome ku oktober Inglatera mester aprobá e akta di separashon ku Union Oropeo.

Premier Rutte tabata satisfecho despues di e kumbre ku Union Oropeo. Tabata importante pa e union sigui funshoná i esaki nos a logra ku e desishon. E prolongashon no ta korto manera Macron i May tabata desea. Hopi pais tabata sa ku Inglatera lo no a keda kla pa 30 yüni. Konsekuensia di e palabrashon ta ku Inglatera mester organisá elekshonnan pa parlamento oropeo. Premier May a anunsia ku preparashonnan pa e elekshonnan a start. Si e britanikonan tuma desishon pa para elekshonnan ta bini un brexit sin deal. Segun Rutte nan ta huridikamente oblige pa organisa elekshonnan komo miembro di Union Oropeo. Di otro manera e miembresia ta kaba outomatikamente.