Sorprendente deklarashon di Mourinho tokante e partido di Messi na Old Trafford

50
Fot saa: Scott McTominay (L) segun Jose Mourinho ta esun ku a frena e mediokampo di FC Barcelona.

MANCHESTER,  – Ora bo ta papiando di Mourinho semper e preis di pan ta subi. E manager portugues semper ta presente den medionan di komunikashon i den e okashon aki e no duda pa papia dje enkuentro entre Manchester United i Futbòl Club Barcelona.

Mourinho a sigurá ku e tabatin e klave di e poko trasendensia di Lionel Messi den Old Trafford, porsierto deklarashon ku e la hasi den “Mirror”.

“Mi ta kere ku United tabatin un hungadó ku ta responsabel dikon Barcelona no tabata  Barcelona i Messi  no tabata Messi. Esaki ta kaso di  Scott McTominay ku tabata den mediokampo. E tabata manera un kachó rabioso.  Uso den ekspreshon den  sentido totalmente positivo di palabra”.

Segun Mourinho e no tabatin miedu di niun hende. E la imponé i preshoná fuerte kontra tur hende. “E la preshoná Barça i tabata klave pa hungadónan no rindi lo máksimo”.

E palabranan di Mourinho ta koinsidí ku e manager  Ole Gunnar Solskjaer riba e mediokampista.

“E ta progresando kada partido. E ta train ku aktitut fantástiko.  E mehorá kada di mas. Kada partido ku e hunga e ta krese i sigui krese. I tabata sentensia e partido.

“E tabata e promé pa hòrtá bala (steal) i duna na e hendenan korekto.  Nos mester a frenanan den mediokampo. Tur e tres mediokampistanan a hunga bon”, asina Solskjaer a duna di konosé.