Artista Stephen Granvil  ta reklamá maltrato polisial

597
Otrobanda— E artista lokal Stephen Granvil  ta reklamando trato polisial despues ku a surgi un insidente unda el a bai defendé un otro artista den Otrobanda, djarason último na altura di Riffort. Segun e artista e no a ofendé niun hende sino e polisnan ku tabata dunando un artista kolega maltrato.

Segun el a duna di konosé na Vigilante, na dado momento el a bin topa un artista di basta edat ta tokando un “benta”. E hecho aki a kapta su atenshon mesora ya ku e tambe ta un artista, kende a biba na Hulanda i ta presentá internashonal tambe. Na dado momento, e tokadó di benta tabata mustr’é su kosnan, pero un barku ku tabata pasando den haf a kapta su atenshon, unda el a bai wak e barku. Einan e tabata papia ku turista pa mustra nan kon bunita Kòrsou por ta, pero despues el a nota un grupo di polis tabata listrando su amigu tokadó di benta na un manera sin rèspèt. Einan el a bai puntra e polisnan dikon nan tin di kontrolá e hòmber si ta solamente su benta e ta tokando pa turista. A surgi un diskushon entre su persona i e polisnan. Segun Stephen, un funshonario di polis a hasta bisé ku ora nan yega warda e ta atendé kuné personalmente.

Stephen Granvil ayera na Vigilante

“ Mi no a hasi nada sino reklamá e polisnan kon nan tabata tratando ami durante mi aresto”, el a sigui splika. Segun e artista, tabatin interkambio bèrdat poko pisa pasobra e polisnan tabata trata na primi su kara abou i trat’é hopi brutu. Lokual e kier enfatisá ta ku nunka e no a yega di hañ’é den e tipo di kosnan asina i no a ofend’é niun hende sino e polisnan ku a maltrat’é.