Atrakadó ta bati chines ku kabu di pistol den kabes

Durante atrako na Balaoestraat

1884
Balaoestraat unda e famia chines a keda maltratá i a bai ku sèn.
Willemstad— Polis den oranan di mainta mester a bai Balaoestraat na kas di un famia chines pa un kaso di atrako unda e chinesnan a keda maltratá.

 

Tabata den oranan di mainta trempan ku un kliente a presentá na kas di e famia chines den Balaoestraat pa asina por a kumpra un silinder di gas. Tabata manera ku e chines a kaba di habri e porta ku dos tipo kara tapa i arma mester a kore drenta den nan bibienda. Bou di menasa e tiponan a kuminsá pidi pa sèn i tambe karchi telefon. Nan a logra di haña mas òf ménos mil florin i tambe basta karchi di telefon. Nèt na momento ku nan tabata bai bandoná e bibienda un di e chinu nan a pasa man kue un hacha pa kap karni i a zuai esaki riba e tiponan. E atrakadónan a reakshoná i a kuminsá bati e chinesnan ku kabu di pistol den kabes kousando  herida ku mesora a kuminsá basha sanger. Despues di esaki e tiponan a kore bai ku e botin den nan poder. Ambulans mester a presentá na e kas pa asina duna e dos víktima asistensia. Tim di atrako a keda enkargá ku e investigashon.