Boto a wòrdu drechá i yená ku droga na Venezuela pa despues mand’é Kòrsou

Boto konfiská yena ku droga

1580
Willemstad— Investigashon ketu bai andando den e kaso unda a bin deskubrí un kargamentu formal di droga bon skondí den e bankinan di boto ku a ser konfiská.

No ta trata di droga so pero tambe a bin haña arma di kandela esta dos i tambe plaka. Ta trata aki di 5 mil dòler ku tabatin skonde den e boto huntu ku e droga nan. Ta trata di un boto ku a bin for di Venezuela pero a hasi manera ku ta piska tabata piska ku e boto aki. Loke ku a hala atenshon di e Duaneronan ku konosé laman hopi bon ta ku e piskánan ku tabata den e boto no ta trata di piska ku ta ser haña den nos awa nan teritorial pero ta trata di piska ku ta wòrdu buska for di Venezuela esta Islanan Aves pa bini Kòrsou bin bende esakinan. Den e boto a trata di hasi manera ku tabata piskando unda asta a habri  e piskánan i laga sanger basha den e boto pa hasi komo sifuera ku tabata piskando. Loke ku tambe a hala atenshon na e boto tabata ku por a mira ku e boto ta resien di ferf esta nobo nobo pero no tabata disponé di niun dokumento i tambe e number di registrá ku tabatin riba e boto no tabata kuadra. Na final e dos hòmbernan ku a kue un djùk for di den e boto i baha kore bai a hasi e kos mas sospechoso. Tur esakinan a pone ku Duana a yega na e opshon pa konfiská e boto bai nan ofisina kuné. E mesun anochi a hòrta e boto for di kaminda e tabata mara den nos haf i a bai ku esaki pero no a yega masha leu. Esaki a pone ku a ordená ku mester hasi un investigashon afondo na e boto. For di investigashon a bin sali na kla ku e grupo di hòmbernan ku tabata den e boto a Sali Kòrsou den un otro boto rumbo pa Aves pa buska piska. Yegando den awanan teritorial di Venezuela a tuma e boto drecha ku e droga nan aden pa asina regresá Kòrsou miéntras e otro boto si a sigui bai tuma piska manera nada no a pasa. Tabata na regreso ku Warda Kosta a ripara ku e boto tabata nabegando ku un spit fuera di lo normal ku a hala atenshon mesora. Di e forma aki a konfiská e boto i den e bankinan a bin topa ku basta droga, arma di kandela i tambe plaka skondí. E kaso ta den pleno investigashon.