Búskeda formal pa dos tipo ku a hòrta turista su telefòn

799
Willemstad—  Den oranan di atardi Polis mester a bai Kokomo Beach pa un kaso di ladronisia di telefon.

 

Na Kokomo Beach Polis a bin topa ku un turista ku a splika ku un ratu promé dos tipo basta hóben tabata presente na e playa. Tabata durante ku nan tabata bandonando e playa un di nan a pasa man kue un tas ku tabata kontené telefon di un dama i a subi baiskel kore bai for di e sitio.  Despues di un ratu ku e dama a ripara ku nan a kue su tas ku su telefon aden  a bin tuma nota ku señal di su telefon tabata den aria di Jandoret. A bai den e bario pa buska e telefon pero sin e resultado deseá. Polis a keda enkargá ku e investigashon.