Enorme destrukshon ku eksploshon Doetinchem

126
destrukshon total di eksploshon bankomátiko ABN Amro
DOETINCHEM—Un eksploshon a kousa daño material enorme ayera nochi na Doetinchem na Achterhoek.

Alrededor di 23:15 por a tende un zonido eksplosivo den henter Doetinchem. Segun outoridatnan polisial kriminalnan a hasi uso di eksplosivonan fuerte. No ta konosí si tabatin heridonan. E ladronnan a pone e eksplosivo na un bankomátiko di ABN Amro. E edifisio den kua e bankomatiko tabata situa a keda kompletamente destruí i dor di e impakto duru e materialnan a kai algun meter leu riba kaya. Hopi hende a kore yega na e sitio i a tuma nota di e ruina. Polis mester a kuri ku nan pasobra e chens riba otro eksploshon tabata real. Pa por investigá e kaso polis mester a kita koriente prome. No ta konosí si e sospechosonan a bai ku plaka. Habitantenan a bisa ku a mira dos hòmber hui riba skuter. Polis ta buskando nan. Entretantu a drenta mas di 20 teps di testigunan.