“Nos ta kla p’e !”

Kapitan trikolor Glenciene Gregoria:

46
Glenciene Gregoria (3) kapitan di Jong Holland, aki den lucha pa e bala.
WILLEMSTAD—Relashoná ku e partido di awe nochi, unda e trikolornan di Jong Holland, kampion di futbòl lokal, lo bai ta den akshon, Deporte Vigilante ayera tabata den kontakto ku e kapitan di e ekipo, Glenciene Gregoria.

Ta trata aki di un di e hungadónan prinsipal den e liña defensivo di e ekipo, kende ta hopi optimista pa ku e resultado di e partido di awe i di su ekipo pa ku e torneo.

“Nos ta kla p’e i nos meta ta pa logra lo máksimo den e torneo”, tabata su palabranan, indikando ku tur hende ta di focus i ku e ekipo ta kla pa un triunfo awe, pa asina sali en buska di e titulo máksimo di e torneo djaluna próksimo.