Polis a konfiská tres bròmer ku a bin for di eksterior

Chasis tabata falsifiká

597
Willemstad—- Polis a konfiská tres bròmer ku nan number di chasis tabata falsifiká.

Djabièrnè 12 di aprel 2019 den oranan lat di mainta, e tim di polis enkargá ku kriminalidat di vehíkulo, personal di duana i un Fiskal di Ministerio Públiko a bai na un depósito lokal, unda tabatin tres (3) bròmer ku a bini for di eksterior i di kua nan chasis tabata falsifiká.

Riba òrdu di e Fiskal en kestion, a konfiská e bròmernan aki pendiente di mas investigashon.

Outoridatnan lo sigui ta atento pa e situashon aki.