Sospechosonan atrako detené na Alemania

154
imagennan di atrakadónan ku a keda detené durante atrako
UTRECHT—Kuater hulandes ku a hasi nan mes kulpabel di atrako ku eksplosivo a keda detené djabièrnè mainta na Heiligenhaus Alemania.

Nan a keda detené den akshon. Dos sospechoso di 19 ku 22 tabata na un bankomatiko. Nan a drenta den e lugá patras despues di a kibra esaki ku martin. Riba e fotonan di kamara di seguridat por mira e duo ku un boter di gas den man. Dos otro sospechoso di 19 ku 20 a keda detené 10 kilometer mas aleu na e restorant Rattingen. E grupo di atrakador a keda identifiká den un akshon konhunto di polis aleman i hulandes. Na kaminda pa Alemania nan a keda persigui for di Hulanda entre otro ku helikopter. Segun hustisia aleman e sospechosonan ta envolví den 8 atrako ku eksplosivo riba bankomatiko na Alemania. Nan kasnan na Hulanda a keda kontrolá. RTV Utrecht a menshoná ku 3 di e 4 sospechosonan ta prosedente di Utrecht.