Willemstad— Un aksidente ku basta daño material ta loke a tuma lugá ayera den oranan di mèrdia riba Pater Euwensweg.

Un dama ku tabata manehá e SUV a keda transportá pa Poli despues di tabata envolví den e aksidente riba Pater Euwensweg. Segun e dama e tabata koriendo riba Pater Euwensweg den direkshon di e edifisio di Aqualectra i  tabata pasando den lus bèrdè ora ku un vehíkulo a krusa su dilanti. Pa evitá un aksidente e la bai kita i tabata einan ku e la pèrdè kontròl pone ku e vehíkulo a bòltu lastra bai dal kontra di un palu nan di Washintonian kousando basta daño na e vehíkulo.  Forensys a keda enkargá ku e aksidente.