BAS All Star a banda algun piesa nobo kaya

112
Nan a manda kuater piesa krioyo kaya.

WILLEMSTAD,—-E formashon musikal Bas Bonaire All Stars ku ta forma pa músiko nan di Boneiru ku ta biba riba e tres Isla nan den reino Hulandes ku ta Kòrsou, Aruba i Boneiru a manda algun piesa nobo kaya, ta trata aki di kuater piesa den género musikal di Ritmo Krioyo.

E tres piesa nan ta kanta pa Xemio Jacops “Rincon Ba gama mi”, Jairo Evertsz “Bou di Kolchon”, Raul Piar “Rinconero Orguyoso” i Chendel Beaumont ku su piesa “Mi Rincón. Mester bisa ku e banda Bas ta lanta pa presentá den dos diferente género musikal, pues nan ta presentá den ambiente Krioyo, pero tambe den fiesta nan komersial.

E formashon musikal ariba menshoná tabatin bon presentashon den e festival grandi ku tabatin na Boneiru wikènt tras di lomba. Kaminda ku nan a kai den premio nan haltu. T’asina ku for di ayera ya e piesa nan a kuminsá zona na Kòrsou na diferente radio emisora.

Mas aleu ‘E Mulina’, tin informashon ku e agrupashon musikal Bas ku ta para pa Bonaire All Strars lo bai tin algun presentashon na Kòrsou, i ku nan lo bai kombiná ku banda nan popular di Kòrsou. ‘E Mulina’, sin duda ta bai sigui e desaroyo nan rondó di Bas ku wowo nan di falki.