Efrem Mambi ta forma parti den Tòp di maneho di ICONS

162
E ta forma parti di Tòp di maneho di ICONS.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku tin basta moveshon ta tumando lugá rondó di agrupashon musikal ICONS. Tin kambio nan grandi ku a tuma lugá pa loke  ta trata den parti maneho di e banda ariba menshoná.

‘E Mulina’, a haña informashon ku Efrem Mambi ta forma parti den Tòp di maneho di agrupashon musikal ICONS. Esaki sigur ta un super bon zèt, mirando ku Efrem Mambi ta bon na altura di tur loke ku ta kome i bebe den nos farándula lokal.

Kòrda ku Efrem ta forma parti di Decode ku ta un kompaña ku ta representá basta di nos artista nan lokal den género di Urban, i tambe e ta Co Doño di un kompania di zonido ku ta hasiendo un bon trabou den nos farándula.

‘E Mulina’, a drenta den kontakto ku Efrem Mambi i nos a bis’é di e informashon ku nos tin rondó di bo persona, t’asina ku Efrem a bisa nos ku “Bo informashon ta kuadra 100%, bèrdat mi ta forma parti den Tòp di maneho di ICONS, mi mester bisabu ku tin kos nan grandi na kaminda rondó di ICONS, ya for di otro siman lo bo bai sinti nos efekto tambe. Paso algun piesa Live lo bai kuminsá zona na diferente radio emisora i pa despues piesa nobo nan tambe kuminsá zona. Sigur ku farándula lokal i tambe internashonal ta bai tende masha hopi di agrupashon musikal IVONS”. Nos sa ku e hóben Efrem Mambi tin tur kualidat pa pone e banda ICONS kaminda e mester ta den nos farándula lokal.