“I Love Hip Hop And R&B ku ICONS den marcha di Tiner 2020

142
Nan ta bai kaya otro aña ku agrupashon musikal ICONS.

WILLEMSTAD,—-Pa esun nan ku no sa, otro aña marcha di Tiner lo bai ta dia 21 di febrüari. Kaminda ku nos ta bai selebrá 49 aña di karnaval su era nobo i e dia 50 edishon di temporada di karnaval ku ta un bunita fecha pa selebrá, manera nos grandi nan sa bisa un fecha rondó, rondó.

Pa ku esaki mirando ku otro aña e temporada di Karnaval lo bai ta un temporada kòrtiku, ya diferente doño nan di grupo di Karnaval tantu di Hubenil,  Tiner i marcha grandi a kuminsá negoshá ku banda nan i tambe Dj nan pa karnaval 2020.

Ayera ‘E Mulina’, a haña informashon i mes ora nos a haña konfirmashon tambe ku e grupo di Tiner “I Love Hip Hopi And R&B” ta bai marcha di Tiner ku agrupashon musikal ICONS. Tambe nos tin informashon ku otro siman inskripshon ta habri pa asina miembro nan kuminsá na skibi nan nòmber pa e temporada di otro aña.

Mas informashon ku nos ta disponé di dje ta bisa ku, tin mas grupo di Karnaval ku na e momentu nan aki ta na mesa di negoshashon ku diferente doño di banda i tambe ku Dj nan. Pero loke ta e liña kòrá riba e dia di awe ta ku Grupo “I Love Hip Hopi And R&B” ta bai marcha di Tiner dia 21 di febrüari 2020 ku agrupashon musikal ICONS.