Músiko Bachi Bachi ta hopi rabia paso ainda e no a haña su pago

373
Te ku ayera e no a haña su pago di parti ICONS BY GIO di Tumba 2019.

WILLEMSTAD,—-E músiko kantante kompositor  Luthson “Bachi Bachi”Andrea, ku a bira hopi popular  ku su presentashon nan ku agrupashon musikal GIO Fuertisimo den Festival di Tumba tokando Kitara i ku su brel grandi na su kara.

T’asina ku ayera nos a haña yamada di “Bachi Bachi” ku un stèm rabia, rabia a bisa ‘E Mulina’, ku “Mi ta hopi rabia, paso for di dos luna tras di lomba e la bai festival di Tumba ku agrupashon musikal ICONS BY GIO, pero te ku e dia di ayera mi no a haña mi pago, pero loke ku a pone rabia mas tantu ta e echo ku mi a yama Charles Alberto ku ta e RoadManager di ICONS na e momentu nan aki, i mi a bisé den un manera masha desente ku te ainda mi no a haña mi pago, Charles Alberto a papia masha malu mes ku mi, e kos aki a duelmi masha hopi mes i esaki ta e motibu ku mes ora mi a dal bu un yamada, ami nunka di mi biba mi a yega di falta ningun hende rèspèt”.

‘E Mulina’, mes ora despues di a kaba di tende “Bachi Bachi Andrea” su banda di medaya, nos a drenta den kontakto ku Charles Alberto na algun okashon, pero mester bisa ku Charles no a kontesta nos yamada nan. Loke ku nos kere a sa ta ku si di bderdat Charles a falta “Bachi Bachi Andrea” rèspèt di papia malu kuné i ta di kon te ainda e músiko en kuestion no a haña su pago pa ku su presentashon nan di festival di Tumba tras di lomba.