Te ku fin di luna aki Dj Chio Libinia ta forma parti di Risab

138
Te ku fin di luna aki e ta forma parti di Risab riba Timbal.

WILLEMSTAD,—-Nos a bin ta bisa ku tin basta moveshon ta tumando lugá den ámbito di Kòmbèk. Awe ‘E Mulina’, ta bin ku otro moveshon ku ta bai tuma lugá rondó di agrupashon musikal Risab.

T’asina ku nos a keda pone na altura ku Dj Chio Libinia ku normal mente hopi hende konosé komo un Dj den ámbito di Kòmbèk. Pero mester bisa ku e kabayero aki ta un músiko tambe, ku por sierto mester bisa ku ta trata aki di un bon músiko tambe.

Dj Chio Libinia ya pa algun tempu kaba ta forma parti di agrupashon musikal Risab riba Timbal. I ku e ta hasiendo un bon trabou tambe, pero algun dia tras di lomba ‘E Mulina’, a haña informashon ku Chio Libinia ta bai stòp di forma parti di e banda ariba menshoná.

‘E Mulina’, tin informashon ku Chio lo bai keda ku e banda te ku fin di luna aki, nos tin informashon ku ya Dj Chio Libinia a partisipá e notisia na direktiva di e banda kaba, tambe nos tin informashon ku direktiva di e banda ya a sali en buska di un Timbalero pa pone na lugá di di Chio. Nos tin informashon ku tin dos nòmber pone riba mesa, otro siman nos ta amplia mas tantu riba e moveshon aki.