Toto Gerard ta gerente di agrupashon musikal Tan Ten

484
E por ninga, pero nos tin informashon 100% ku e ta na kabes di e banda nobo “Tan Ten”.

WILLEMSTAD,—-Toto Gegard su nòmber no ta deskonosí den nos farándula,ta trata aki di un persona ku tabata na kabes di diferente agrupashon musikal den ámbito di Kòmbèk, e último agrupashon musikal ku e tabatin bou di su maneho tabata agrupashon musikal Sabor “S.O.” Original.

Despues di algun mal kontentu Toto Gerard a bandoná agrupashon musikal Sabor “S.O.” Original i e la wanta un ratu afó di nos farándula. Pero esaki no a dura hopi, paso despues Toto a kuminsá organisá diferente fiesta den ámbito di Kòmbèk.

Tambe nos a haña informashon ku Toto lo bai para tras di un agrupashon musikal nobo, ‘E Mulina’, a drenta den kontakto ku Toto algun luna tras di lomba i nos a bisé ku nos tin informashon ku bo persona lo bai para tras di un banda nobo den ámbito di Kòmbèk, mester bisa ku e tempu ei Toto a para masha duru mes riba un NO.

Pero manera semper nos tin nos lema ta usa i esaki ta “Tempu ta e mihó maestro”. Paso no a dura muchu despues di nos kombersashon ‘E Mulina’, ta bolbe haña informashon ku Toto mes ta bai para na kabes di e agrupashon musikal nobo den ámbito di Kòmbèk ku ta karga di nòmber “Tan Ten”. Ayera un biaha mas ‘E Mulina’, ta drenta den kontakto ku Toto Gerard i manera ku e la kue su telefon nos a bisé ku Toto nos tin informashon ku bo persona ta esun ku ta na kabes di e banda “Tan Ten”, mester bisa ku den mes un rosea Toto a hari i sera e telefon.