Vehíkulo di pareha estadounidense pèrdí na Repúblika Dominikana a keda hañá

2146
E vehíkulo a keda hañá den awa.

SANTO DOMINGO – Outoridatnan dominikano a haña e vehíkulo den kua un pareha estadounidense ku a keda reportá komo pèrdí na fin di luna di mart último i ku segun investigashonnan a fayesé den un aksidente di tráfiko, den awanan di Karibe.

E vehíkulo, ku ainda ta bou di awa, a keda lokalisá pa outoridatnan na e outopista di Los Americas, ost di Santo Domingo, na e mesun punto unda outoridatnan ta suponé ku e aksidente di tráfiko a keda registrá den mardugá di dia 27 último.

Outoridatnan dominikano a konfirmá den oranan di djárason último ku a muhé a fayesé den un hospital di e pais, unda el a keda trasladá despues di sufri un aksidente. Esaki aparentemente a keda registrá komo Portia Ravenelle, di 32 aña di edat, kende a keda reportá komo pèrdí dia 27 di mart último huntu ku su kasá.

Den kaso di su kompañero, e hòmber Orlando Moore, di 43 aña di edat, e deterioridat di e kurpa, kua a keda hañá den awanan di Karibe algun dia despues di e aksidente, no a permití ku e por a keda identifiká.

Investigashonnan den e kaso aki ta indiká ku Moore i Ravenelle a sufri un aksidente den sirkulashon na momentu ku nan tabata direkshon Aeropuerto Internashonal Las Americas, na Santo Domingo.

E pareha aki aparentemente a biaha rumbo Samaná dia 23 di mart último pa asina pasa un total di kuater dia di vakashon den un hotèl di e zona na nortost di Repúblika Dominikana.

Despues di keda reportá pèrdí i keda den e situashon aki pa algun dia, despues a haña e muhé den e sentro médiko, ku karakterístikanan di esun reportá komo pèrdí. Esaki a keda trasladá na e sitio ku slanan serio, kua a lag’e den kuido intensivo i despues a bin fayesé. Kuater dia despues a haña e kurpa sin bida di e hòmber ta drif den awa.