Djaweps awor Jamaloodin dilanti wes pa asesinato Wiels

1869
Punda—Jorge Jamaloodin, kende ya kaba ta kondená pa Korte Komun di Hustisia públikamente,  djaweps awor mester presentá dilanti wes atrobe. E biaha aki pa trata su kaso den kontenido

Unu dje faktornan mas importante den e kaso kontra di Jamaloodin, ta si Pretu Florentina a bishita Jamaloodin na Yüni 2012 huntu ku Nini Fonseca. Manera Vigilante a publiká amplio, Un  testigu anónimo anonimo a deklará ku Florentina a trese Nini Fonseca  pa Jorge Jamaloodin negoshá e kontrakt riba Helmin Wiels. Pero en realidat esei nunka a tuma lugá. Lokual ta un problema grandi ta ku Korte Komun a kondená Jamaloodin sin nunka a present’é dilanti un wes. Segun Korte Komun ta Jamaloodin mes a paga pa mata Wiels. E la hasi esaki dor di aserka Pretu Florentina dirèkt.

Pero den un deklarashon di e bodyguardnan di Jamaloodin ta presentá un bista dje deklarashonnan di e testigu anonimo. Ta trata di e miembronan di Kuerpo di Polis, Herbert J. i Percy S.. Durante di un interogashon ámbos hòmber a wòrdu presentá ku fotonan di Nini Fonseca, Pretu Florentina, Bolle Martinez i Elvis Kuwas. Durante e interogashon, a manda puntra e polisnan si nan ta kòrda ku unu dje hòmbernan riba e fotonan a yega di bishita Jorge Jamaloodin na su kas, riba e dia ku un atrako a tuma lugá na Renaissance Hotel. Ámbos polis a desmentí esei. Nan a atmití di a konosé nan e hòmbernan pero via di medionan di komunikashon i nunka no a mira nan na kas di Jamaloodin.

Deklarashon di eks hefe di VDC,  Edsel Gumbs,  kende tabata hefe di VDC , ta bisa ku 2 pa 3 dia despues ku a kita bida di Helmin Wiels, e la haña un yamada unda un testigu a bisé ku e kier deklará den e kaso Maximus. Ta trata aki di un testigu ketu bai anónimo ku mester a konfia Edsel Gumbs den e kaso aki. El a bisa ku e tin prueba ku ta Jamaloodin ta esun ku a paga pa kita bida di Wiels. E testigu anónimo a bisa Gumbs ku el a skucha ku su propio oreanan kon Jorge ta pidi algun hòmber ku a presentá den outo pa hasi un hende friu pe. Segun e testigu tabata papia aki di Wiels, unda Jorge tabata pará pafó di e outo miéntras Pretu Florentina tabata sintá patras den e outo.  Durante di kaso, abogadonan di Jamaloodin ta bai bisa ku e informante di Gumbs su deklarashon no por keda uzá komo prueba, mirando ku e no ta menshoná presisamente ki dia e kòmbersashonnan a tuma lugá. Den e deklarashonnan por dedusí ku ta trata un anochi despues ku un atrako a tuma lugá na yüni 2012. Riba e dia en kestion, unu dje polisnan ku ta protehá Jamaloodin ta kòrda kla kla ku niun dje hòmbernan menshoná no a bini serka Jorge Jamaloodin. E atrako a tuma lugá riba djasabra 2 yüni 2012. E polis Herbert J.  tabata ku Jamaloodin e dia ei di 3 or di mèrdia te ku 3 or di mardugá. Riba e dia en kestion, Pretu Florentina ni tampoko niun di e otro hòmbernan a bini serka Jamaloodin.

Jamaloodin ta haña ku e informante no a splika unda e tabata presisamente, esta den e outo òf banda di Jamaloodin, ora e mester a pidi nan pa hasi un hende friu. Segun e testigu ku e mesun outo a bolbe bin bèk e mesun dia den ora nan di anochi, unda Pretu tabata den e outo aki ku Nini Fonseca. Segun e testigu ku tabata aki ku Fonseca a presentá unda el a bisa Jorge ku el a tende ku e tin un trabou i ku el a bin tuma esaki. Eksistensha i deklarashon di e testigu anónimo di Gumbs, ta hopi dudoso. E testigu anónimo di Gumbs, niun hende no a yega di mir’é. Ni na VDC, ni na RST i hasta Fiskal enkargá ku e kaso, Gert Rip tampoko no konosé.•