1500 firma pa Faries no a yuda

2930
Punda—Un total di riba 1500 suidadano a firma durante un akshon di algun wikènt durante finalnan di 2018 pa re- aloká dr Faries den Sehos. Ta resultando ku te ainda, e firmanan akoplá no a yuda pasobra Faries ta sigui pafó di Sehos

Riba 10 di desèmber último, un kantidat di siguidó di e dòkter a organisá nan mes pa kana bai Fòrti Amsterdam unda nan a entrega e lista di firma nan. Mayornan di e pashèntnan di dr Faries a eksihí mas klaridat pa nan yunan. Ta trata di mucha nan diabétiko tipo I. For di novèmber di aña pasá, un grupo di mama di pashènt i èks pashènt serka dr. Faries a inisiá e akshon di firma. Durante e akshon aki Vigilante a yega di entrevistá sra. Samira Freitas. E mama tabatin  bon palabra pa minister Camelia Römer alegando ku e minister a risibí un karta na nòmber di mama nan prekupá. Atraves di e karta, e minister a instituí un komishon. E komishon a reuní ku e grupo di mama prekupá. E mayornan mester a reuní ku Sehos pa investigá ta kon bini  informashon konfidensial di nan yunan ta riba kaya. Tambe nan a eksihí pa sa ta kon bini ku te ainda nan no a haña informashon i kiko ta pasando ku dr. Faries.

Entretantu ta konosí ku , Jan Huurman ta kompletamente fo’i outoridat médiko na Kòrsou. Huurman mester a bai despues ku e preshon polítiko pa mantené Huurman a bira muchu grandi. Riba retnan sosial, inkluso facebook Vigilante, PIN i Camelia Römer tabata risibí hopi krítika. Prinsipalmente e desishon pa trese un spesialista penshonado ulandes pa e.o. remplasá Faries komo yu di Kòrsou, no a kai den bon tera. Riba Facebook e krítikanan tabata intolerabel. Prinsipalmente, miembro den oposishon a kuminsá haña hopi rason, alegando adelantá ku PIN i Huurman tabatin un persona kla poné pa tuma posishon di Faries. Esei a resultá di ta Jos Gosen, un spesialista renombá ulandes, pero ya ta un penshonado.  Gosen kende ta na Kòrsou for di ougùstùs 2018, a keda enkargá ku grupo di trabou pa akapará pashèntnan di Faries. Te ainda, Faries ta pafó di Sehos.