5 luna kastigu kontra eks-vigilante Wilders

153
OM a pidi 5 luna kastigu pa eks-bewaker ku a lèk informashon Wilders
DEN HAAG—Ministerio Públiko a pidi 5 luna kastigu  i prohibishon temporal di profeshon kontra e eks-vigilante di lider polítiko di PVV Geert Wilders.

E sospechoso, eks-polis Faris K, ta keda sospechá di a duna informashon sekreto tokante bibienda i seguridat di e politiko na tres dama, bou di kua su amiga. K tabata traha e tempu ei na servisio Bewaken Beveiligen. Tambe el a lèk informashon konfidensial tokante e bishita di un dje yunan di eks-presidente Obama na Hulanda, mientras el a usa e sistema di polis pa motibunan privá. Den febrüari 2017 el a keda detené. Hues a determiná for di komienso di e tratamentu ku nada no ta indiká ku K tabatin mal intenshon ora el a kompartí e informashon konfidensial. Tampoko tabatin konsekuensianan negativo di su akto. Hues a reklama K ku e kier a hunga interesante pa impreshoná e damanan. K mes a bisa ku su komportashon tabata insensato i estupido. E hòmber tabatin problemanan den pasado kaba pa kompartí informashon di polis na tersero. E tempu ei el a haña un kastigu kondishonal di retiro i kastigu di trabou kondishonal. Awor Ministerio Públiko ta pidi kastigu di prison inkondishonal i prohibishon pa traha komo empleado públiko pa 5 aña. Geert Wilders a reakshoná via Twitter bisando ku e demanda ta muchu abou.