Hóben ta sobrebibí despues ku bara di heru a pasa dor di su kabes

91
E bara a pasa dor di kabes di e hòmber.

INDIA – Na India, un hóben a salba milagrosamente despues ku un bara di heru a pasa den su kráneo i e mester a keda someté na un sirugia di gran rísiko pa asina logra saka e heru.

Sanjay Bahe, di 21 aña di edat, tabata konstruyendo un pos na su bibienda den e lokalidat di Balghat, estado di Madhya Pradesh, unda e struktura unda e tabata pará a kai den otro i e mes a bai riba un bara den fondo di e pos.

Un di e baranan a pasa den e parti drechi di su kara i a bai sali parti dilanti robes di su kabes. Ademas, e bara a perforá un di su mannan tambe.
Bahe a keda trasladá ku ambulans pa un sentro médiko den e estado bisiña di Maharastra i durante henter e biahe el a permanesé bei. E operashon na kua el a keda someté tabatin un durashon di 90 minüt i una bes el a keda finalisá, ya no tabatin niun komplikashon mas.

E dòkter ku a atendé e hòmber a indiká ku e bara a alkansá ni daña nada importante, loke ku por a provoká basta problema i kambio di komportashon. Aunke ku esaki no tin un peliger mortal.