Promé aresto kaso unda a haña basta droga skonde den banki di boto

Asta a hòrta e boto bai kuné pero no a haña e chèns pa saka e droga

395
Willemstad—- Outoridatnan ya tin un aresto den e kaso unda a bin haña mas ku 150 kilo di droga, dos arma i tambe 5 mil dòler skondí den banki di un boto ku a bini for di Venezuela bon drecha.

Tabata djabièrnè último ku e promé aresto a kai pa trafikashon di droga den boto.  Ta trata di e boto ku a ser konfiská na Kura di Buriku bai warda esaki den haf banda di ofisina di Duana pa despues den oranan di anochi algun suheto a presentá i a los e boto bai kuné. Mesora a bati alarma i warda kosta huntu ku Duana a bin topa ku e boto un tiki mas pabou ku e pir na Marí Pampoen mara. Mesora a lanta e sospechoso ku mester tin algu ilegal den e boto i a konfiská esaki bai Parera kuné na e base di Warda Kosta pa asina por a hasi mas investigashon na i den e boto. For di ora a usa ekiponan speshal den e kaso aki un Mòl esaki a reakshoná ku tin droga abordo.

A kuminsá habri e parti di e bankinan di e boto unda a bin haña un kantidat di entre 150 pa 200 kilo di droga, arma di kandela i tambe plaka. Tur esakinan a keda konfiská. Mesora a kuminsá buska e hòmber ku último tabata den e boto i asta tabata esun ku a stür e boto bai mara esaki na e ofisina di Duana den haf. No mester a buska muchu ya ku djabièrnè último e sospechoso mes aki a bai entrega su mes na warda di reshèrshi. Mesora e la keda arestá pa violashon di e lei di droga. Ayera e la keda presentá dilanti wes komisario unda su aresto a keda alarga ku ocho dia mas.