Resultadonan di Enkuesta di Koyuntura pa promé mitar di 2018

134
Piscadera– Ofisina Sentral di Statistik  (CBS) ta publiká algun di e promé resultadonan di e enkuesta di Koyuntura pa 2018. Enkuesta di koyuntura ta un investigashon ku ta enbolbí tur empresa ku tin dies òf mas empleado. Huntu ku esaki tin un sondeo ku ta keda hasi bou di e empresanan ku tin tres te ku nuebe empleado. Pues e ta por parti un sondeo (‘steekproef’).

Dor di hasi un sondeo, ta hasi un aproksimashon di e karakterístikanan di e populashon (tur empresa) den su totalidat. I ta p’esei por duna deklarashon nan  responsabel enkuanto e populashon. Sierto empresanan finansiero, empresa individual chikitu (‘eenmanszaak’) i fundashon nan no ta inkluí den e enkuesta. Pues, no ta tur empresa na Kòrsou ta keda aserka pa CBS.

Resultadonan mas importante di Enkuesta di Koyuntura pa aña 2018:

  • Di e empresanan ku a partisipá 46 porshento a indiká ku nan a invertí pa e di dos mitar di 2018. Esaki ta 2 punto porshento mas  ku desèmber 2017 i yüni 2018.
  • Di e empresanan 33 porshento a indiká ku nan ta haña nan ku opstákulonan durante di invershon, esaki ta 2% ménos kompará ku yüni 2018.
  • Opinion di empresanan tokante di nan konfiansa den ekonomia a baha durante e delaster mitar di aña 2018. E porsentahe di e empresanan ku a indiká ku e konfiansa a baha  a subi di 40  pa 42 porshento.
  • Opinion relashoná ku klima di invershon a drecha levemente kompará ku e di dos parti di 2016. Esaki a keda regular na opinion di 66% di e empresanan. (tabata 63% na yüni 2015).  25% di e empresanan e ta malu (tabata 33% na yüni 2016) i solamente 9 porshento di e empresanan ta haña e klima di invershon bon (tabata 6%).
  • E porsentahe di empresanan ku tabata tin un resultado positivo a keda kasi mes un kos kompará ku 2017. Na 2018 e tabata 37 i na desèmber 2018 e la bira 38%. Mas empresa 56%,  a indiká ku nan tabatin un resultado negativo na desèmber 2018.
  • E índise di koyuntura a baha di 65% na yüni 2018 pa 60,5% na desèmber 2018.

 Riba e página prinsipal di e wèpsait di CBS (www.cbs.cw)  por ‘download’ e publikashon kompleto titulá:  “Resultaten Conjunctuurenquete jaar 2018” (na hulandes). CBS ta gradisí tur e empresanan ku a koperá ku e enkuesta aki.