Servisio di inteligensia propio pa TBO i RST

278
Zeelandia– For di 2010 , tur gobièrnu ku a sinta, tabata duna RST hopi mas outoridat. Téknikamente ta esaki nifiká ku minister a entrega un poder serio na RST unda tur hende sa ku den RST ni minister ni hefe di kuerpo di polis no tin ningun klase di kontròl.

Traspaso di OT pa e unidat di RST, no solamente ta problemátiko, sino tambe e ulandesnan oropeo den RST, por uza e tarea ehersé kòntròl riba nos ministernan i parlamentarionan.  Den Haag ya a bisa ku RST ta un instrumento pa mantené estado di derechi na e.o. Kòrsou. Ta konfirmá tambe ku funshonarionan ulandes oropeo di RST ta sinta tambe den ofisina di Representashon Ulandes unda nan ta kordiná tarea ku eks koleganan di RST ku ta trahando den servisio di representashon ulandes.

Aktualmente  e unidat di RST ta disfrutando di tur benefisio fisíko i siguridat na Zeelandia. Den práktika, RST ta ofendé, balotá i deskriminá demas reshèrshinan.  Por ehèmpel, na RST e ulandesnan no ta interogá niun sospechoso peligroso den nan edifisio na Zeelandia. Nan ta bini den kantor di Garipitoweg pa hasi esei i despues ta baha bai laga e warda. Na Zeelandia e reshèrshinan ta traha den tur fasilidat, kontrali na Garipitoweg. Por ehèmpel, vehíkulo di trabou. Outo di servisio ta daña na Garipito, miéntras reshèrshinan di RST ta kore rònt den tur sorto di outo nobo òf ta hür outo pa nan. Un otro sla duru, ta por ehèmpel a saka opservashon tèkniko i pone den man di RST. Esaki ta un sla fuerte bou di faha, unda e ulandesnan den RST a haña poder kompleto pa opservá i duna “instrukshon” dirèkt na reshèrshinan yunan di Kòrsou. Ta konosí, ku hefe di polis ni tampoko minister di hustisia no tin kòntròl riba RST ni tampoko. Durante último interkambionan na nivel ministerial, a keda kumbiní ku awor TBO tei hana nan propio servisio di inteligensha, kual sin duda algun lo trese konfliktonan ku e aktual VDC di Kòrsou.