Treining di e prosesonan ku tin di haber ku evakuashon

90
Punda– Sí un grupo grandi di evakuado yega Kòrsou, kon tin ku anda i prosesá nan yegada? Pa ta prepará si un situashon asin’aki mester presentá, miembronan di ‘ Rampenbestrijdingsorganisatie’ riba inisiativa di e Kordinadó Nashonal di desaster i bou di kordinashon di e ‘teamleider’ di imigrashon a trein e prosesonan pa tin di haber ku evakuashon.

Den e grupo di voluntarionan ku a trein kuné, tabatin personanan ku a simulá ku nan mester di tratamentu médiko. E parti médiko tabata bou di kordinashon di e Kordinadó Nashonal Médiko i su tim. E ehersisio a fungi pa prepará e timnan di médiko i personanan ku ta duna kuido mental riba un posibel evakuashon di grupo grandi. A tene kuenta ku entre otro personanan di kual a detektá serka nan Sarampi, preshon haltu, habrimentu di barika i malesa di sangura. Ku un otro persona a simulá ku e ta diabétiko i kua keda algun dia sin remedi adekuá. Un otro a drenta pániko paso el a keda separá di su famia. Tur esakinan ta senarionan ku por sosodé den un situashon realístiko. Despues di e simulashon a evaluá e ayudo. E diferente remarkenan di e timnan di reskatá ta fungi komo punto di atenshon pa adaptashon ayudo.

Kontribuí: Polis, Imigrashon, Brantwer, departamentu di salubridat, CPA, Krus Kòrá, PSI Skuchami, Direktorado di Kontròl di Riesgo & Maneho di kalamidat i Direktorado di Komunikashon I Informashon ta esnan ku a kontribuí na e simulashon.

Polis, Imigrashon, Brantwer, departamentu di salubridat, CPA, Krus Kòrá, PSI Skuchami, Direktorado di Kontròl di Riesgo & Maneho di kalamidat i  Direktorado di Komunikashon I Informashon ta esnan ku a kontribuí na e simulashon.