Vatikano ta risibí notisia di kandela di Notre Dame ku tristesa

60
Kandela serio ku a kaba ku e parti mas ariba di e sitio.

CIUDAD DE VATICANO – E Vatikano a risibí e notisia di e teribel kandela ku a kaba ku gran parti e katedral di Notre Dame na Paris ku tristesa. Ta trata aki símbolo di kristiandat na Fransia i mundu henter.

E bosero interino di e Santa Sede, Alessandrio Gisotti, a lamentá den un komunikado relashoná ku e kandela aki, kua a keda deklará na alrededor di 10 minüt pa 7or i ku a destruí un gran parti di e tèmpel.

Gisotti a manifestá e serkania di Vatikano pa ku katólikonan franses i a sigurá orashonnan pa e bomberonan i tur esnan ku hasi esfuerso pa asina afrontá e situashon dramátiko aki.

E kandela a destrosá un gran parti di e dak i esaki a pone ku e parti ariba di e tèmpel a kai den otro. Ta trata aki di e monumento mas bishitá di Fransia, símbolo di historia di e pais i un di e obranan maestro di arte gótiko ku mas di 800 aña di historia.

Fiskalia di Paris a habri un investigashon pa asina determiná e sirkunstansianan di e echonan aki.