Eks Timbalero di XD Ephril Martina rumbo pa Sabor Original

279
E la ninga, pero e la lubidá ku e bèrdat semper ta sali na kla.

WILLEMSTAD,—-‘E Mulina’, ta antisipá ku sigur lo bai tin masha hopi ningamentu rondó di e informashon aki. For di ayera na momentu ku e artíkulo ku a sali den bo Matutino number 1 ku ta Bo Vigilante den e página di farándula ‘E Mulina’, kaminda ku ta bisa ku tin rumor nan fuerte ku e Timbalero Papi Uranie ta bai bandoná agrupashon musikal “S.O.”.

Mes ora nos a haña informashon ku kabesante nan di Sabor “S.O.” Original for di nan gira na Spaña lo tabatin kombersashon ku Ephril Martina ku den pasado tabata forma parti di agrupashon musikal Classic XD, pa e pasa forma parti di “S.O.”.

Mester bisa ku agrupashon musikal “S.O.” a bai nan tur na Spaña netamente ku Ephril Martina, paso Papi Uranie no por a bai e gira en kuestion. Ayera ‘E Mulina’, a drenta den kontakto ku Ephril i manera ku e la kue su telefon nos a bisé di e informashon ku nos tin rondó di su persona.

Awèl t’asina ku Ephril a kuminsá hari i puntra nos ku ta na unda nos a sali ku e informashon en kuestion. ‘E Mulina’, a bisa Ephril ku nos no ta drumi na momentu ku ta trata di moveshon nan ku tin den nos farándula, mas aleu Ephril a bisa ‘E Mulina’, ku “Mi no sa nada di loke ku bo ta bisami di dje aki, ningun hende di “S.O.”. no a papia ku mi”. Manera semper tur hende ta ninga, pero nos a bisa Ephril ku nos dicho ta “Tempu ta e mihó maestro”, mester bisa ku e la bolbe hari i sera su telefon.