Kandela feros ta destruí kas plùs outo

524
Willemstad— Mester a manda buska Bomberonan for di St Eustatius pa asina yega na Saba pa asina yuda kombatí un kandela basta grandi ku a destruí un kas por kompletu.

Ayera den oranan di mainta Polis i tambe pagadónan di kandela stashoná na Saba a keda dirigí ku urgensia pa Hell’s Gate pa un kandela basta grandi ku tabata destruyendo un kas. Na yegada di e outoridatnan a bin tuma nota ku e kandela ya a kuminsá poderá di e kas di tres piso. Tabata trata di un kas basta grandi. Mesora a kuminsá ku e proseso pa dominá e kandela pero mirando e embergadura a opta pa pidi asistensia di bommberonan stashoná na St Eustatius pa yega Saba mas lihé posibel pa yuda kombatí e kandela. A kuminsá muhé e kasnan den e besindario pa evitá ku nan tambe por wòrdu destruí pa e kandela. Na final e kandela a destruí e kas  i tambe un outo por kompletu. Awor ta investigando pa saka afó kiko por a kousa e kandela. No ta komun ku sa tin kandela nan grandi asina aki na Saba kual sigur a hala basta atenshon.