Tres menor di edat detené pa violashonnan

107
detenshon hóbennan violador ku ta abusá di damitanan den parke
ROTTERDAM—Polis a detené tres menor di edat djamars riba sospecho di violashonnan di grupo den Rotterdam i Schiedam.

Segun polis tabatin rumornan pa basta tempu di un grupo di mucha hòmber ku a hasi nan mes kulpabel di violashonnan den grupo den parkenan. Diferente damitanan menor di edat lo a bira víktima di esaki. Na November 2018 e prome melding a drenta di un violashon similar. Polis a start un investigashon amplio ku e departamentu hubenil despues ku un dje víktimanan a hasi denunsia. Despues a sigui mas denunsia i un melding. E vítimanan ta entre 12 pa 16 aña segun NOS i RTV Rijnmond a base di nan propio investigashon. Tambe algun di nan lo a kontagia ku malesa veneriko dor di e violashon komete pa un grupo di menor ku nos por yama criminal. Un bosero di polis a mèldu ku no por eskluí mas detenshon. Esaki ta depende tambe di e kantidat di melding òf denunsianan ku haña. Polis ta sospechá ku tin mas víktima. Nan ta spera ku e damitanan mèldu.