Eksploshon den hotel Zaandijk; posibel atentado

165
segun polis ta trata di un akshon intenshonal
ZAANDIJK—Outoridatnan mester a bai ku urgensia pa un hotel na Zaandijk kaminda tabatin un eksploshon djárason mardugá.

Esaki a tuma lugá despues ku un deskonosí a pone algu ku a eksplotá alrededor di 2:25. Polis ta konisderá ku ta trata di un akshon intenshonal. Despues di e eksploshon e persona, tur na pretu bistí, a hui riba un skuter sin number. Huespetnan a lanta spantá di e eksploshon pero ningun hende a keda heridá. Alrededor di 30 huespet a keda evakuá i akomodá otro kaminda. No ta konosí kon grandi e daño ta. El a keda parsialmente destruí. E manager di e hotel ta bisa ku no tin idea ken ta tras di e atentado. Polis a start un akshon di búskeda mésora. Na yanüari a pega kandela den kushina di e hotel. Ta investigando si e dos insidentenan ta relashoná, segun bosero polisial. Ainda no a detené ningun hende pa e insendio di yanüari.