Colombia ta denunsiá ku militarnan venezolano a drenta nan teritorio

636
E situashon entre Colombia i Venezuela ta sigui tenso.

BOGOTA – Colombia a denunsiá e supuesto entrada di efektivonan militar di Venezuela, den nan teritorio dia 6 di mei último. Esaki nan a permanesé aparentemente 20 minüt i despues a bai bèk despues di ripará yegada di algun helikòpter ku militarnan di ehérsito di Colombia.

Outoridatnan kolombiano a detayá ku 30 unidat militar, ku ta pertenesé na forsanan armá Bolivariano, a drenta na e sektor El Hueco, situá na oksidental di La China, límite entre ámbos paisnan.

Bogotá a responsabilisá e gobièrnu di e presidente Nicolas Maduro di e akto no outorisá aki i a konsiderá ku e insidente aki ta afektá e komunikashon na e zona di frontera mucha mas ainda.

Caracas di su banda a kalifiká e postura di Bogotá komo unu sumamente peligroso i ademas iresponsabel. Esaki pa motibu ku nan ta konsiderá ku e ta obedesé un pretenshon di generá kondishonnan pa un eskala militar rondó di e frontera komun.

De e teksto, Venezuela ta hasi ademas un yamada na Colombia pa esaki pone un fin na e hostilidat peligroso ku tin i pa dediká su mes na simplemente atendé i resolvé e problemanan interno ku nan tin, kua a keda katalogá pa Venezuela komo grave.