Míles di dòler hañá skondí den interior di porta i bentana

143
Ta míles di dòler a keda hañá skondí den porta i bentananan di e bibienda.

SAN JUAN – Outoridatnan polisial puertorikeño a realisá un entrada hudisial den un residensia, den kua a haña míles di dòler skondé den interior di porta i bentananan di e bibienda aki.

E entrada hudisial aki a keda registrá den e bario di Canaboncito, di Caguas.
Segun outoridatnan a indiká, e hòmber ku a keda hañá den e bibienda aki a keda identifiká komo Israel Baez Escribano, di 35 aña i kende ta poseé un rèkòrt deliktivo pa entre otro agreshon grave i tambe poseshon di droga.
Famianan ku ta biba na alrededor di e detenido, a indiká ku nan ta teme ku un situashon grave lo por a keda registrá na momentu ku nan a tende zonidonan i a realisá ku tabatin un entrada hudisial tumando lugá na e sitio. Ademas esaki nan a indiká ku nan ta teme pa bida di nan ser kerí, kende a keda detené.

Baez tin masoménos dos luna huyendo di outoridatnan polisial. Esaki aparentemente tabata e punto prinsipal d un tiroteo registrá den un negoshi na e karetera 172 di e mesun área aki. Aki ta unda el a logra sali ileso i niun otro hende tampoko no a resultá heridá.