‘Venezuela ya a pasa e liña kòrá pa rekerí koperashon militar’

118
Juan Guaidó, kende a indiká ku ya nan a pasa tur liña kòrá.

CARACAS – E kabesante di Parlamento di Venezuela, Juan Guaidó, a indiká ku su pais ya a pasa e ‘liña kòrá’ pa rekerí koperashon militar ekstranhero, aunke ku el a indiká ku e mekanismo ta dependé di si e paisnan ta disidí di presta yudansa den e materia aki.

Esaki a indiká, ku e posibilidat òf no koperashon militar riba suela venezolano i si e ta nesesario òf no, e mes por indiká ku ya nan a pasa e límite di tempu. Esaki el a indiká den un rueda di prensa señalando ku e emergensia di e pais ta unu obvio.

Esaki a sigurá sinembargo, ku e desishon relashoná ku e inisio di koperashon militar ta dependé mas di e pais ku disidí di duna yudansa.

Esaki ademas a sigui splika kiko e kemen ku e ‘liña kòrá’ na su pais. El a indiká ku esaki lo ta relashoná ku esnan ku ke koperá, pa motibu ku e liña aki a keda pasá na momentu ku 7 mion di venezolano ta den un emergensia kompleho. El a indiká ku e kantidat di personanan ku mester yudansa humanitario ta subiendo mas i mas.

E lider opositor a indiká tambe ku tur e opshonnan i mekanismonan pa logra un solushon pa e krísis di e pais mester keda evaluá responsablemente.

Den e sentido aki, el a splika ku kualke elemento ku ta suma su mes pa logra e salida di gobièrnu di Nicolas Maduro ta bon bini, pero den mesun rosea el a indiká ku e lo no aseptá diálogo ku esaki nan pues esei ta nan manera di manipulá i gaña.

Venezuela ta pasando den e pik di tenshon polítiko for di luna di yanüari último. Na momentu ku Maduro a hura un mandato nobo di 6 aña. Esaki no ta keda rekonosé pa oposishon, kende komo kontesta, a duna e reklamashon di Guaidó komo e presidente interino. Esaki ta keda apoyá pa mas di 50 pais, ku Estádos Unídos na kabes.