Real Rincon kampion temporada regular na Boneiru

158
Real Rincon kampion temporada regular na Boneiru.
BONEIRU—E ekipo di Real Rincon a logra triunfo ku skor di 3-0 ayera riba e ekipo di ATC. Tabata triunfo ku a pone ku e ekipo di Rincon ta bira kampion di temporada regular i mesora gana e derechi pa representá Boneiru próksimamente un biaha mas den kompetensia di Concacaf.

Miéntras tantu e kampionato ta sigui awe ora Vitesse topa Vespo i mañan Atlétiko Flamingo lo topa Juventus. For di e último 2 weganan aki, lo bira konosí ken lo ta e ekipo number 3 i 4 pa playoff semifinal.

Un ke otro despues ku ya Real Rincon i Estrella a sigurá posishonnan 1 i 2 respektivamente. Miéntras ku Atlétiko Flamingo i Vespo ta e otro dosnan ku a klasifiká pero ainda no konfirmá na kua puesto.

E playoff semifinal lo hunga serinan di 2 wega, unda 1 ta topa 3 i 2 topando 4, unda e ganadónan lo pasa pa final i mesora klasifiká pa Kopa ABC.

Miéntras ku tambe lo bai tin un playoff entre e 4 ekiponan mas abou riba e tabla di posishon próksimamente.