Souax kampion di sòftbòl femenino hubenil

135
E ekipo di Souax.
WILLEMSTAD—Tereno di Sabana Ballpark ayera tabata esenario pa e segundo partido di e seri final di sòftbòl femenino hubenil. Esaki ora ku e ekiponan di Souax i Pichingolo a subi tereno pa enfrentá otro, ku e ekipo for di bario di Souax den bentaha, despues di a logra triunfo den e promé wega di e seri djarason último.

Ayera e ekiponan a lucha formal, unda Souax tabata kier a kaba kos i selebrá, miéntras ku Pichingolo a bin ku intenshon pa logra triunfo i fòrsa e wega desisivo.

Finalmente tabata Souax ku ta logra e triunfo, titulando kampion di sòftbòl femenino hubenil, pa loke ta kampionato di aña 2019. E wega a yega último entrada empatá na 5, unda Souax ta anotá na 3 okashon pa asina gana 8-5. Joanna Benita di e ekipo ganadó a resultá e MVP di e playoff final.

Despues di e partido tabatin premiashon na tereno.