Vesta ta sigurá nan pase pa playoff ‘Kaya 6’

149
Isenia (7) ku bala pèrsiguí pa Bekeer (23).
WILLEMSTAD—E ekipo di bario di Sta Maria i bisindario, Vesta a sigurá nan pase pa playoff Kaya 6 di e promé divishon di futbòl FFK ayera. Un ke otro despues ku nan a logra triunfo ku skor di 2-0 riba e ekipo di Inter/Willemstad.

Tabata den wega ku a hunga den Stadion Ergilio Hato na Brievengat i a keda dirigí pa rèfri Juniel ‘Araña’ Adelina. Mirco Colina a habri e markadó for di un tiru penal, pa seguidamente Reylison Otto, seya e triunfo.

Na sosiegu ya e ekipo dirigí pa tékniko Henry Caldera tabatin bentaha di 2-0. Den e parti komplementario Inter/Willemstad a krea algun oportunidat pa por a anotá, pero no ta sa di probechá di esakinan, unda e wega ta tèrminá ku skor di 2-0 i asina Vesta ta klasifiká.

Inter/Willemstad ainda ta na bida i ku un triunfo di Victory Boys awe lo keda den e promé 6 nan. Un triunfo di Centro Barber, ta pone ku Centro Barber lo bira e di 6 ekipo pa klasifiká, despues ku ya Scherpenheuvel, Centro Dominguitu, Jong Holland, Undeba i ayera Vesta a klasifiká i tin un lugá ainda.

Stadion Ergilio Hato ta sin ‘scoreboard’, unda fanatikonan no sa kuantu minüt ta hungando i esnan ku ta poko lat, tampoko sa ken ta ganá òf laga, miéntras ku esnan presente tampoko por tende na momentu ku e anunsiado ta komunikando den stadion.

Un situashon ku sigur meresé un kambio mas pronto posibel, mirando ku ta yegando e parti final i krusial di temporada.