6 hòmber detené ku 200 kilo mariwana na Sittard

278
tur 6 sopechoso a bai kas despues interogashon
SITTARD—Djadumingu mainta polis a haña 200 kilo di produkshon di mariwana den un kas na Sittard.

Den e edifisio na Hemelsley tabatin 6 hòmber presente. Nan a bai warda di polis pa interogashon pa despues a laga nan bai. Un di nan ta prosedente di Geleen. E otro sinku no tin bibienda of adres fihó. Polis a laga destruí e mariwana. Komienso di aprel a bira konosí ku a deskubrí ménos plantashonnan di mariwan na Hulanda. Den 2018 tabata trata di 3913 plantashon kompará ku 4670 den 2017. Djabièrnè polis a hasi mas deskubrimentunan remarkabel ora a haña un laboratorio di droga riba un barku di karga.