‘Defensie’ di Marina Real ta duna hèrment pa traha den kurá i kuminda na personanan ku no tin lugá di biba

104
Willemstad – Gratitut i alegria na ‘Sentro Speransa’ ku ta un sentro kaminda esnan akdikto na Droga por keda, i tambe na ‘We Care’ , un Fundashon ku ta duna kuminda.

Riba djabièrne 10 di mei nan a risibí diferente sorto di hèrmènt pa kurá (Sentro Speransa) i tambe un donashon di mas o menos 2000 florin (We Care). Nan a risibi esaki di e departamento di Kuidi Spiritual di Defensií den Region Karibense.

E organisashonnan a risibí e donashonnan na Lanthùis Ascension di mannan di Predikador di Flota Jan Peter van Bruggen. Un grupo di kliente di Sentro Speransa huntu ku nan famianan mas yegá, a keda risibá mas tempran den dia  ku un kuminda kayente Estilo Karibense. ‘Sentro Speransa’ abou di FMA (Fundashon pa Maneho di Adikshon), despues di algun spich, a risibí un mashin pa kòorta yerba, un zaag di koriente i diferente hèrmènt mas pa traha den kurá. Van Bruggen a etrega e regalu aki pa e klientenan na Señora Naomi Cyntje, Kordinadora di Sentro Speransa.

Fundashon ‘We Care’ ta un parti ku ta kai bou di Iglesia Atventista di Shete Dia i a risibí un donashon di kasi 2000 florin. Departamento di Defensa den Región Karibe a rekoudá e sèn aki durante e selebrashon di Pasku di Nasementu na Marinebasis Parera. Fundashon We Care ta sòru pa kuminda pa esnan ku no tin lugá di biba den Otrobanda i Souax. Durante e partimentu di kuminda kontakto ta keda formá i ta buska pa sá di ki forma por duna yudansa. Atrabes di e forma di traha aki, un mihó imágen ta keda formá di personanan ku temporalmente òf pa un periodo mas largu ta sin bibienda. Tin biaha por kuminsá forma un ret. Dentro di un tempu hopi serkano e grupo lo bai kuminsá ku un rekoudashon nobo di fondonan. E grupo aki di personanan ku ta hasi uso di kumindanan grátis i saludabel a krese i bira mas grandi.

Den e diskursonan a bin dilanti ku e Kuido Spiritual di Defensie den Region di Karibe ta skohe e metanan aki, pasobra nan ta pone enfoke riba un kuminsamentu nobo. Van Bruggen: ‘Hendenan rondó  di nos, pero nos mes tambe, hopi biaha no ta kere mas den ‘kuminsá di nobo’. Ta pa e motibu ei ta importante pa tin henden rondó di boku ta yuda bo, pa keda kere den e kuminsmentu di nobo.’