Gobièrnu ta manda alimento pa esnan afektá pa áwaseru i inundashon na Paraguay

74
Yudansanan ku a keda mandá i risibí na e zona afektá.

ASUNCION – E gobièrnu a manda vários konvoinan ku vários tòn di kuminda den e lokalidat di Pilar, unda 80 porshento a keda inundá i afektá. Aki tin míles di personanan afektá pa e inundashonnan debí na fuerte yobida na e pais.

na Pilar, kapital di e departamento di Neembucú, na frontera ku Argentina, tin mas di 200 famia afektá pa inundashonnan i ku esaki nan lo ta esnan ku lo risibí e yudansa.

Segun a keda indiká, un konvoi ku 14 mil kilo di kuminda, 2 tènt, embarkashonnan ligero, kolchon i hopi mas ta loke a keda mandá pa e sitio.

Ademas a indiká ku a manda vários bakinan ku kapasidat di 250 mil liter di awa i a agregá ku e nivel di e riu di Paraguay ta pone ku no tin peliger ku e muraya di kontenshon ku ta rondoná e siudat, lo por kibra.

E fuerte yobida aki ademas ta afektá e region di Chaco, ku masoménos 25 mil persona afektá, entre nan vários komunidatnan indígena.

Lidernan di masoménos 40 komunidat indígena di e zona a reklamá ademas ku outoridatnan te ainda no a duna asistensia i yudansa den e sitio i awa ta sigui subi i di e forma aki inhabitá kaminda i akseso a skol i sentronan di salú.