Heridonan grave den kandela Naaldwijk

125
kandela devastador na Naaldwijk
NAALDWIJK—Outoridatnan a haña melding di un kandela grandi den un kas na sentro di Naaldwijk.

Dos persona a keda transportá ku urgensia pa hospital ku heridanan grave. Sinku otro persona tambe mester a bai hospital. Ocho persona ku a inhala huma a haña tratamentu na e sitio mes. E kandela a surgi alrededor di 3:30. Pasobra e kandela a plama, mester a evakua e kasnan den serkania. Despues di algun ora brantwer a logra domina e kandela. Veiligheidsregio a tuma nota mesora ku e  situashon tabata serio segun un bosero. E situashon a bira bastante kaotiko dado momentu pasobra no tabata kla kuantu hende tabata den e edifisionan ni kuantu mester a reskatá via dak segun un bosero. E kas ta riba un negoshi di shoarma meimei di sentro nokturno  den Naaldwijk. E daño ta enorme segun un bosero di brantwer.  Lo kontrolá e bibiendanan den e area pa wak si habitantenan por egresa kas. Esnan ku no por lo regla akomodashon pa nan.