Patrick van Aanholt a anotá den fiesta di gol

51
Patrick van Aanholt.
INGLATERA—Patrick van Aanholt a hunga durante di hinter wega i a sa na anotá un gol pa Crystal Palace, den wega di Premier League na Inglatera ayera.

Tabata den wega ku a resultá un fiesta di gol, ora ku su ekipo a logra triunfo di 5-3 riba AFC Bournemouth, despues di tabatin bentaha di 3-1 ora e promé mitar a transkurí. Tereno di stadion Selhurst Park, unda 25.433 fanátiko tabata presente, tabata esenario, unda Patrick van Aanholt a anotá na di 65 minüt di wega. Su gol tabata pa su ekipo kue bentaha di 4-2.